Мядзел турыстычны
Мядзел інфармацыйны
 Мядзел дзелавы
Рус
En
Бел

Адрас:
222397 г. Мядзел, пл. Леніна, 1
Тэлефон: 8 01797 55-3-72
Гарачая лінія:
8 01797 55-3-72

Апытанне
пытанне1

Навіны рэспублікі

21 студзеня 2020

Узровень звароту ўпакоўкі не меншы за 80 працэнтаў - чаго чакаюць ад дэпазітна-залогавай сістэмы ў Беларусі

https://blr.belta.by/society/view/uzroven-zvarotu-upakouki-ne-menshy-za-80-pratsentau-chago-chakajuts-ad-depazitna-zalogavaj-sistemy-u-84493-2020/

Пасля ўкаранення ў Беларусі дэпазітна-залогавай сістэмы ўзровень звароту ўпакоўкі павінен скласці не менш як 80 працэнтаў, паведаміў сёння начальнік упраўлення па каардынацыі дзейнасці ў сферы абыходжання з другаснымі матэрыяльнымі рэсурсамі ДУ "Аператар другасных матэрыяльных рэсурсаў" Анатоль Шагун на брыфінгу ў прэс-цэнтры БЕЛТА.

"Такая сістэма дасць магчымасць павялічыць аб'ём збіраемай тары ў Беларусі як мінімум у 2 разы. Мы плануем, што яна дасць не менш за 80 працэнтаў звароту. Хоць, напрыклад, вопыт Літвы, дзе ў 2016 годзе сістэма была ўкаранёна, паказаў па выніках мінулага года ўзровень вяртання ўпакоўкі 92-93 працэнты", - адзначыў Анатоль Шагун.

Мяркуецца, што дэпазітна-залогавая сістэма будзе распаўсюджвацца на ПЭТ-бутэлькі, шкляныя бутэлькі і слоікі, а таксама бляшанкі з алюмінію або белай бляхі - гэта значыць тое, у што пераважна разліваюцца сёння напіткі, за выключэннем упаковак ад малака. Паводле ацэнак, аб'ём гэтага рынку ў Беларусі - 1,8 млрд адзінак упакоўкі ў год. Каб укараніць сістэму, спатрэбіцца два гады.

"У цэлым гэта сістэма будзе ўяўляць сабой нешта падобнае, што было ў Савецкім Саюзе, калі збіралі шкляную шматабаротную тару, - чалавек, купляючы напітак, пакідаў залог, вяртаючы бутэльку, ён вяртае гэты залог. Такім чынам, залог на цану тавару не ўплывае, чалавек нічога не губляе. Але гэта сістэма стымулюе не выкінуць бутэльку, а здаць у месцах продажу і тым самым павялічыць узровень выкарыстання гэтай тары", - растлумачыў Анатоль Шагун.

Дэмаграфічная бяспека
Перамозе прысвячаецца
Першая Сусветная вайна на Мядзельшчыне 1914–1918 гг.
 АДР
2018 год – ГОД МАЛОЙ РАДЗІМЫ
Інтэрнэт-рэсурсы