10 марта 2025

Ордэн Маці ад Кіраўніка дзяржавы

Прэзідэнт Беларусі Аляксандр Лукашэнка ўручыў дзяржаўныя ўзнагароды 30 жанчынам з розных сфер дзейнасці і рэгіёнаў. Ордэн Маці ад Кіраўніка дзяржавы атрымала і наша зямлячка – трэнер-выкладчык Спецыялізаванай дзіцяча-юнацкай школы алімпійскага рэзерву Мядзельскага раёна Алена МЕЛЬНІЧОНАК. – Гэта было хвалююча, урачыста, прыгожа, у дружалюбнай абстаноўцы, – падзялілася ўражаннямі ад цырымоніі ўзнагароджання Алена Уладзіміраўна. – Было вельмі прыемна, усе мы радаваліся, віншавалі адна адну. Адчувала найперш хваляванне. І адказнасць, бо трапіла ў лік тых, каму ўзнагароду ўручаў сам Прэзідэнт.

Источник: https://narachanka.by/