У Мядзельскім музеі народнай славы адбылася прэзентацыя тэматычнай літаратурна-дакументальнай выставы з фондаў Дзяржаўнага музея гісторыі беларускай літаратуры «Гартаючы жыцця свайго старонкі…», прысвечанай 111-годдзю з дня нараджэння Максіма Танка. На выставе прадстаўлены разнастайныя дакументы, рукапісы, кнігі, фатаграфіі, асабістыя рэчы паэта. Дапаўняюць іх інфармацыйныя стэнды, якія распавядаюць пра жыццё і творчасць песняра. Кіраўнік навукова-асветніцкага аддзела Дзяржаўнага музея гісторыі беларускай літаратуры Валянціна Кароткіна расказала прысутным цікавыя факты пра жыццё паэта і яго творчы шлях, паведамляюць з музея народнай славы.
Источник:: http://narachanka.by