4 мая 2023

Да Свята працы

У раённым Цэнтры культуры адбылося мерапрыемства, прысвечанае Святу працы. З прывітальнымі словамі да прысутных звярнуліся намеснік старшыні райвыканкама Вольга Габрусенак і старшыня раённага аб’яднання прафсаюзаў Святлана Чарняўская. Былі на ўрачыстасці і заслужаныя ўзнагароды. Падзяку старшыні райвыканкама атрымала настаўнік, старшыня пярвічнай прафсаюзнай арганізацыі Мядзельскай СШ №1 імя Уладзіміра Дубоўкі Анастасія Сяргеенка. Акрамя таго, 9 чалавек былі адзначаны Граматай раённага аб’яднання прафсаюзаў. У ліку іх кіраўнікі, прафсаюзныя актывісты, шчырыя працаўнікі. Працягам мерапрыемства стаў канцэрт, у якім прынялі ўдзел прадстаўнікі арганізацый і прадпрыемстваў раёне.

Источник: http://narachanka.by/