У Дзень усенароднай памяці ахвяр Вялікай Айчыннай вайны і генацыда беларускага народа ля помніка з увекавечанымі ў граніце імёнамі жыхароў хутара Бароўка, якія былі спалены фашыстамі 13 чэрвеня 1943 года, адбыўся мітынг-рэквіем. Да прысутных — прадстаўнікоў працоўных калектываў, грамадскасці, школьнікаў — звярнуліся старшыня райвыканкама Аляксандр Прановіч, дырэктар Мядзельскага музея народнай славы Наталля Бурак і вучаніца 11 класа гімназіі г. Мядзела Ксенія Сяклюцкая. Затым прысутныя далучыліся да акцыі Усебеларуская хвіліна маўчання і разам з усёй краінай ўшанавалі памяць і аддалі даніну павагі ўсім, хто аддаў сваё жыццё за Радзіму. Да помніка ахвярам фашызму кіраўніцтва раёна, прадстаўнікі працоўных калектываў і грамадскіх арганізацый, школьнікі ўсклалі кветкі і вянкі. Источник: http://narachanka