18 June 2026

У "Зубраня" пачаў працу беларуска-расійскі студэнцкі педагагічны атрад

Беларуска-расійскі студэнцкі педагагічны атрад прыступіў да работы ў Нацыянальным дзіцячым адукацыйна-аздараўленчым цэнтры «Зубраня».

Фота: сайт НДЦ «Зубренок».

У прэс-службе расказалі:

— У склад міжнароднага педагагічнага атрада ўвайшлі 20 чалавек — па 10 прадстаўнікоў ад кожнай краіны.

Расійскую Федэрацыю ў атрадзе прадстаўляюць студэнты з Маскоўскай вобласці.

Міжнародны праект «Зубраня» ў Беларусі стаў новым этапам сумеснай работы студэнцкіх атрадаў Саюзнай дзяржавы, адзначыў кіраўнік Цэнтральнага штаба Расійскіх студэнцкіх атрадаў Яраслаў Зубашчанка:

— Для педагагічных атрадаў Падмаскоўя гэта не проста праца важатымі — гэта шанец заявіць пра сябе на міжнародным узроўні, прымяніць атрыманыя веды на практыцы і годна прадставіць свой рэгіён на міжнароднай пляцоўцы, умацоўваючы сяброўскія сувязі паміж моладдзю Расіі і Беларусі.

Важатыя будуць працаваць у змешаных міжнародных камандах, сумесна арганізоўваць творчыя, спартыўныя і адукацыйныя мерапрыемствы, вывучаць падыходы да арганізацыі дзіцячага адпачынку ў Расіі і Беларусі.