У аграгарадку Нарач на Нарачанскім участку Мінскага малочнага завода нумар 1 адкрылася лінія вытворчасці сыру з блакітнай цвіллю на 30 тон. Гэта стала вынікам рэканструкцыі галоўнага вытворчага корпуса з мадэрнізацыяй лініі вытворчасці. У мерапрыемстве прынялі ўдзел першы намеснік старшыні Мінскага абласнога выканаўчага комітэта Васіль Сысоеў, старшыня Мядзельскага райвыканкама Аляксандр Прановіч, дэпутат Палаты прадстаўнікоў Нацыянальнага сходу Рэспублікі Беларусь Святлана Сакалоўская.

Гэты інвестыцыйны праект рэалізоўваўся з 2022 па 2024 год у рамках праграмы "Адзін раён - адзін праект". Сыр з блакітнай цвіллю «Ракфорці» ў Нарачы выпускаюць ужо 10 гадоў. Улічваючы запатрабаванасць гэтага дэлікатэсу, было прынята рашэнне павялічыць аб'ёмы яго вытворчасці. У выніку зараз завод можа выпускаць за месяц 84 тоны сыру з блакітнай цвіллю. Рынкі збыту даўно вызначаны: гэта як унутраны рынак, так і экспарт. Прычым, на экспарт плануецца накіроўваць да 90 працэнтаў аб'ёму прадукцыі. Наш сыр чакаюць у Расіі, Казахстане, Грузіі, Азербайджане, Арменіі, Узбекістане, Туркменістане, Абхазіі. Для гасцей правялі экскурсію і паказалі ўвесь вытворчы цыкл стварэння гэтага ўнікальнага сыру.
https://narachanka.by/