6 August 2025

Пленэр па вырабу дэкаратыўных скульптур з каменя

У Мядзеле адкрыўся пленэр па вырабу дэкаратыўных скульптур з каменя. Урачыстае адкрыццё адбылося ля раённага Цэнтра культуры. Удзельнікаў і гасцей прывітала намеснік начальніка аддзела ідэалагічнай работы, культуры і па справах моладзі райвыканкама Таццяна Ефімава, адзначыўшы, што ў горадзе штогод  з’яўляюцца новыя зоны адпачынку, драўляныя кампазіцыі, скульптуры. У гэтым годзе з’явяцца скульптуры з каменю, якія ўпрыгожаць яшчэ адзін куточак Мядзела.  Кіраўнік групы, дасведчаны скульптар Кірыл Крахалёў падкрэсліў, што ініцыятыва ўладаў важная для развіцця гарадскога асяроддзя. – Я і мае сябры-скульптары вельмі рады прымаць удзел у гэтым пленэры. Мы спадзяёмся зрабіць цікавыя работы, пакінуць іх у вашым горадзе. І хацеў бы зрабіць кампліментам адміністрацыі горада і ўсім, хто звязаны з арганізацыяй гэтага мерапрыемства: вельмі добра, калі людзі разумеюць важнасць прысутнасці ў ім мастацтва, скульптуры, у прыватнасці. Творчую каманду пленэра складаюць пяцёра: сам скульптар і чацвёра студэнтаў 1-га і 2-га курсаў кафедры скульптуры Беларускай дзяржаўнай акадэміі мастацтваў.

Крыніца інфармавання: https://narachanka.by/