28 June 2024

Спорт

У Мядзеле адбылося адкрытае першынство СДЮШАР раёна па веславанні на байдарках і каноэ. Спаборнічалі на возеры Мястра навучэнцы спецыялізаванай дзіцяча-юнацкай школы алімпійскага рэзерву. Ва ўзроставай групе 2009-2010 гадоў нараджэння сярод юнакоў на дыстанцыі 1000 метраў перамог Максім Баркоўскі, другім фінішаваў Кірыл Нікончык, трэцім – Дзмітрый Готко. На дыстанцыі 200 метраў лідары памяняліся месцамі: тут не было роўных Кірылу Нікончыку, другое месца – у Максіма Баркоўскага, трэцяе – у Дзмітрыя Готко. Ва ўзроставай групе 2011-2012 гадоў нараджэння сярод юнакоў на дыстанцыі 500 метраў першае месца заняў Аляксандр Мінчук, другое – Мікіта Купрэвіч, трэцяе — Антон Сіськевіч. Ва ўзроставай групе 2013 года нараджэння і маладзейшыя сярод юнакоў на дыстанцыі 200 метраў перамог Макар Звяруга, другім быў Ягор Румынскі, трэцім – Арсеній Валюк. Сярод дзяўчат 2011 гадоў нараджэння і маладзейшых першай фінішавала Дар’я Готко, другой – Аліса Жыхар. Сярод дзяўчат 2009-2010 гадоў нараджэння першае месца ў Анастасіі Дзегцяровай, другое – у Маргарыты Балтрукевіч.

Источник: https://narachanka.by/