Мядзельскі раённы
выканаўчы камітэт
2 February 2026
Лукашэнка: Беларусі і Бразіліі трэба больш інтэнсіўна выбудоўваць адносіны
Беларусі і Бразіліі трэба больш інтэнсіўна выбудоўваць адносіны. Пра гэта Прэзідэнт Беларусі Аляксандр Лукашэнка заявіў на сустрэчы з паслом Бразіліі Бернарду Клінглам.
Лукашэнка выказаў палітычную падтрымку Прэзідэнту Бразіліі ў сувязі з маючымі адбыцца выбарамі
«Думаю, што нам трэба падыходзіць да выбудоўвання нашых адносін больш інтэнсіўна і не ўскладняць іх. Проста. Асновай з’яўляецца эканаміка. Таму трэба выбраць тыя напрамкі супрацоўніцтва ў эканоміцы, якія цікавыя Бразіліі. З іншага боку — цікавыя Беларусі. Гэта мы можам зрабіць», — сказаў кіраўнік дзяржавы.
Аляксандр Лукашэнка адзначыў наяўнасць для абмеркавання вялікай колькасці пытанняў. «Узаемавыгадных пытанняў. Якія падымаў раней я. Але некаторыя з іх не знайшлі свайго вырашэння. А калі яны ўзаемавыгадныя (як вы бачыце, час вельмі хутка мяняецца), нам трэба сур’ёзна падысці да гэтых пытанняў і вызначыцца, ці будзем мы ў гэтым напрамку рухацца», — сказаў ён.
Бразілія зацікаўлена ў нарошчванні паставак калійных угнаенняў з Беларусі
Пасол Бразіліі: мы спадзяёмся аднавіць супрацоўніцтва паміж Беларуссю і Embraer
Кіраўнік дзяржавы таксама падкрэсліў, што погляды спецыялістаў як у Беларусі, так і ў Бразіліі на пытанні сусветнага парадку цалкам супадаюць. «Гэта будзе спрыяць і ўжо спрыяе стварэнню больш эфектыўных адносін паміж нашымі дзяржавамі», — упэўнены Прэзідэнт.