12 April 2026

Лукашэнка і Пуцін абмеркавалі супрацоўніцтва ў тройцы Беларусь - Расія - КНДР

Прэзідэнты Беларусі і Расіі Аляксандр Лукашэнка і Уладзімір Пуцін падчас тэлефоннай размовы абмеркавалі супрацоўніцтва ў фармаце тройкі Беларусь – Расія – КНДР. Пра гэта паведамілі ў прэс-службе беларускага лідара.

• Лукашэнка і Пуцін пагаварылі па тэлефоне і абмяняліся віншаваннямі з Вялікаднем
• Лукашэнка пацвердзіў свой удзел у маючым адбыцца Парадзе Перамогі ў Маскве

«Прэзідэнты надалі ўвагу тэме супрацоўніцтва ў фармаце тройкі Беларусь – Расія – КНДР. Па выніках афіцыйнага візіту Прэзідэнта Беларусі ў Карэйскую Народна-Дэмакратычную Рэспубліку вызначаны пул перспектыўных напрамкаў супрацоўніцтва. У сённяшняй размове абмяркоўвалася магчымасць рэалізацыі шэрагу праектаў у трохбаковым фармаце», — паведамілі ў прэс-службе.

Як паведамлялася, Аляксандр Лукашэнка і Старшыня дзяржаўных спраў КНДР Кім Чэн Ын 26 сакавіка правялі ў Пхеньяне афіцыйныя перамовы, заявіўшы пра пачатак новага этапу ў адносінах дзвюх краін. Па выніках перамоваў падпісаны дагавор аб дружбе і супрацоўніцтве паміж Беларуссю і КНДР. Бакі ў цэлым заключылі дзясятак пагадненняў і мемарандумаў аб супрацоўніцтве ў канкрэтных сферах.